Ei heiva na te Teva, e faufaa ai tö te Teva

    samedi 1 août 2015

    Te ‘opua hia ra e haamau i te tahi heiva na te mau Teva, i teie mau matahiti i muri nei. Tei roto noa ra te reira i te fëruriraa. E faanahoraa te reira turu hia e te tävana Tearii Alpha e te ‘apooraa ‘‘oire no Teva i Uta, mai tei haapäpü hia e te mono tävana maha no Teva i Uta ra, o Namoeata Bernadino.

    Te tumu, no te haafaufaaraa ia i teie mau tuhaa ‘‘oire mai Papara mai e tae atu i Taiarapu mä. I roto i te nümeraraa, e ö mai teie nau tuhaa ‘‘oire e maha mai ia Päpara, Teva i Uta, Taiarapu hitiaa o te rä, e o Taiarapu too’ä o te rä. Ua haapäpü ato’a mai o Charlie Taiarui täne, peretiteni no te tä’atiraa Mäta’i’ea Event +, e faanaho hia, teie mau ’äva’e i muri nei, i te tahi färereiraa e te mau tävana no teie mau tuhaa ’’oire, no te fëruri ’ämuiraa i ni’a i teie tumu parau.

     

    Te faufaa e noaa mai

     

    I roto i teie ‘opuraa, e haafaufaa hia te mau paripari fenua o teie nau tuhaa ‘oire no te Teva. Riro atu ra te reira ei faufaa no te u’i ’äpï e ’ere nei i teie mau faufaa tupuna. ’Inaha, aore e faanahoraa päpü i rave hia no rätou, i ni’a i te parau no te iho tumu. Na roto i teie Heiva a te Teva, te mana’o hia ra e ’ume mai i te u’i hou, rätou ihoa ra o të ’overe nei, aore ra, o të ’ere nei i te ‘ohipa. O te hö’ë ia faufaa te reira o ta te tä’atira’a Mäta’i’ea Event + e ‘ite hei ia haamau hia tenä faanahoraa.

    Te tahi ato’a tumu, a ‘opua ai ‘o ia i tenä ta’urua i terä pae too’ä o te rä, oia ho’i, e rave rahi mau tä’ata aita e faura’o no te horo atu i To’atä e mäta’ita’i i te mau ta’urua. Ia mau teie Heiva a te Teva, e ’imi te mau tävana i te räve’a no te faa’ohieraa te parau no te utaraa tä’ata.

    Te vähi faahiahia o teie ‘opuaraa, e haafaufaa hia te ’ori, te ’orero, e tae noa atu i te ’ä’ai no taua mau tuhaa ‘oire no te Teva.

    E mätara ato’a te parau no te ’imiraa faufaa a te mau utuäfare e ö atu i roto i tenä täpura ‘ohipa e tae noa atu i te feiä rava’ai, faa’amu ’animara e te faa’apu ato’a.

    I roto i teie ‘opuaraa, e faa’ohu hia te faanahoraa o te Heiva i roto i nä tuhaa ‘oire e maha no Teva. I roto i te mau täta’uraa i hope a’e nei i To’ata, ua faa’ite mai te mau pupu himene e te mau pupu ’öte’a, no teie mau tuhaa ‘oire, i to rätou ’aravehi. Ua haru mai te pupu no Toahotu Nui i te rë mätämua no te tuhaa ava tau no te ‘öte’a. I roto i te tuhaa hura tau, ua mau mai te pupu Tamarii Mata’i’ea i te rë piti, i muri noa mai i Temaeva. Ua haru ato’a mai te pupu tamarii Mäta’i’ea i te rë mätämua no te tärava Tahiti e tae noa atu i te täne ’ori roa a’e.

    Te auraa, te vai nei i roto i teie mau ‘oire te mau ’aito i ni’a i te parau no te tä’ere mä’ohi.

     

    Papa’ihia e C.T.

    Organiser le premier Heiva des Teva !

    Pour l’instant, le projet n’est qu’à sa phase initiale. Mais ce qui est certain, le maire de Teva i Uta, Tearii Alpha, son conseil municipal ainsi que l’association Mäta’i’ea Event + travaillent sur la réalisation de ce projet.

    Ce Heiva devrait inclure les communes de Papara, et Taiarapu-Est et Ouest, ce qui constitue aujourd’hui les Teva. Selon Namoeata Bernadino, 4e adjointe au maire de Teva i Uta, une première rencontre a déjà eu lieu avec les maires concernés, mais aucune décision n’a été prise à ce jour. D’autres rencontres devraient se tenir dans les semaines, voire les mois à venir, pour poser les bases de cette nouvelle organisation.

    L’intérêt est, bien évidemment, de mettre en valeur la culture, à travers les chants, la danse, le ’orero etc.

    Mais c’est également le moyen de réunir les jeunes, surtout ceux en mal d’emploi. D’autre part, c’est un moyen de se partager les frais d’organisations.

    L’idée est également de délocaliser annuellement ce Heiva et permettre à la commune organisatrice de bénéficier des retombées économiques d’un tel événement. C’est l’occasion aussi pour ces communes de mener une réflexion sur la mutualisation des moyens pour mieux faire face aux dépenses.

     

    C.T.

        Edition abonnés
        Le vote

        Allez-vous voir Vaiana ?

        Loading ... Loading ...
        www.my-meteo.fr
        Météo Tahiti Papeete