Fa’ahepo hia te utuafare Faraire e haere i rapae ‘au i to na fare

    vendredi 18 mars 2016

    Ua tae mai te tahi parau mana na te uitie no te titaura’a i te utuafare Faraire no Papara ia ‘imi i te tahi nohorara’a ‘api hou a haere atu ai i rapae. Te tumu, aita e parau fa’aaura’a fa’ahou i roto i teie utuafare e te pu OPH e, hau roa atu, ua o teie tuha’a o ta na e faa’ea ra i roto i te tuha’a fenua tapa’o ‘ute’ute, fa’aarara’a ia e fifi te riro i te tupu mai a muri a’e, te he’era’a ‘ofa’i iho a ra. Aita teie utuafare e hina’aro nei e fa’aru’e i to na fare, i reira ‘o ia i te nohora’a a 26 matahiti i teie nei, e te pi’i nei ‘o ia i te mau ti’a mana o te fenua nei e ia ‘imi mai i te tahi rave’a no na. 

    Te ora ra te ‘opu feti’i Faraire i roto i te ho’e fare totiare, ti’a’au hia e te pu OPH, i roto i te tuha’a no Ti’ama’o i Papara, i te kirometera 31, i te pae mou’a. 
    No te matahiti 1990 ra teie mau nohora’a totiare i te ‘avarira’a hia e te pu Fare de France. Muri mai, na te pu OTHS (Office territorial de l’habitat social), o tei riro mai i teie mahana te pu OPH (Office de l’habitat social), i ti’a’au i teie na 18 ato’a ra fare. 
    I te matahiti 1997, ua mutu te parau fa’aau i roto i teie utuafare Faraire e te pu OPH. Te tumu, aita te moni ‘ava’e o te fare e pe’e ra. Muri mai, ua parahi noa teie utuafare i roto i teie nohora’a e ua ‘imi i te mau rave’a ato’a no te ‘aufaura’a i to na fare i te mau ava’e ato’a. Tei ni’a te moni e aufau hia ra e ana i te faito 18 310 farane. Ua ‘aufau noa o ia mai te reira mau matahi e tae roa mai i teie mahana, e aita ho’e noa a’e e parau fa’aau. 

    Reni ‘ute’ute 

    Muri mai, i te matahiti 2011 ra, ua rave te tahi mau ‘aivana’a a te pu e ti’a’au nei i te parau no te mau fifi huru rau i te fenua nei, i te tahi mau hi’opo’ara’a i ni’a i teie tuha’a no Ti’ama’o, muri a’e i te tahi he’era’a ‘ofa’i o tei tupu i na ‘ava’e i ma’iri a’e nei. 
    Muri mai i te reira mau hi’opo’ara’a, ‘eie te fa’aotira’a a taua mau ‘aivana’a ra : ua o teie tuha’a fenua, ha’ati’a hia te mau nohora’a totiare a te pu OPH, i roto i te tuha’a fenua ‘u ‘ute’ute, tuha’a fenua e riro te mau fifi huru rau i te tupu mai, mai te he’era’a ‘ofa’i. 
    E toru fare i o i roto i teie tuha’a ‘u ‘ute’ute, e tei roto ato’a teie utuafare Faraire. Te aura’a, e riro teie na fare to’o toru i te vavahi hia. I te matahi i ma’iri a’e nei, e piti utuafare o tei fari’i i te fa’auera’a a te pu OPH. Ua ‘imi hia te tahi nohora’a ‘api no ratou e te fa’aea ra ratou i roto i teie tuha’a no Matahitihiti, i te kirometera 36, i Papara noa a.
    Te utuafare Faraire ra, aita roa atu ia ‘o ia i fari’i noa a’e. Ua ‘imi ‘o ia i te mau rave ato’a no te ‘aufaura’a i te tuha’a moni e toe ra i te pu OPH, e te ha’apapu nei te metua vahine o teie ‘opu feti’i, e ua pe’e te reira tarahu i te matahiti 2013 ra. Na teie tomité ‘aitarahura’a, ‘oia ho’i te commission de surendettement, e tauturu nei i te feia e fifi nei i te ‘aufaura’a i ta ratou mau tarahu, i tuma roa i te moni e toe ra i te pu OPH. Tei ni’a teie moni i te faito e piti mirioni toata e hau. 
    Noa atu a e ua pe’e te tarahu a teie utuafare, te fa’ahepo nei te tiripuna ia na e, muri a’e i te tahi horora’a a te pu OPH, ia haere i rapae i te fare o ta na e noho ra. Te tumu matamua roa, aita e parau fa’aaura’a e vai nei i roto i teie utuafare e te pu OPH. Te piti, no teie ia reni ‘ute’ute no te mau fifi huru rau i topa mai i te matahiti 2011. Tei roto teie utuafare Faraire i te mana’ona’o e te hepohepo. A toru parau mana na te uitie i tae mai i roto i to na rima no te haerera’a i rapae. Aita ra ‘o ia i fari’i noa a’e i te fa’auera’a. Ua tamata matou i te niuniu atu i te pu OPH no te tahi mau ha’amaramaramara’a, aita ra ho’e a’e pahonora’a i horo’a hia mai. 
    Ua farerei atu teie utuafare i te tavana no Papara e te parau nei ‘o ia e e te ‘imi nei te ‘oire i te mau rave’a ato’a no teie ‘opu feti’i. Toru utuafare e ora nei i teie tuha’a no te “carrière” i te kirometera 29 o tei mana’o hia ra e fa’ahaere ato’a i rapae i to ratou nohora’a. Te ‘imi ato’a nei te ‘oire te rave’a no ratou. 

    Papa’ihia e C.T. 

    (Plus d’informations dans notre édition du jour ou au feuilletage numérique)

    TETUANUI Monil 2016-03-18 20:11:00
    Dans le débat télévisé du 9 décembre 2016 à TNTV concernant le foncier, le Ministre Tearii ALPHA avait déclaré que le Territoire a acheté le terrain des GARBUTT à Atimaono. Le projet ALOHA de 87 logements est déjà prêt. Je ctois même que le permis de construire est prêt. Tearii ALPHA proposait d'emmener le reste des personnes de Outumaoro là-bas. Ce serait certainement une opportunité à ne pas laisser passer Tavana Papara. Je te propose d'en parler avec le Ministre dès son retour de PRAGUE. Faaitoito Tavana, je suis à la disposition de tous ceux qui cherchent une issue pour le logement.

    MONIL 87 73 79 88
    TETUANUI Monil 2016-03-18 20:03:00
    Iaorana e tavana Papara,

    I roto i te tauaraa parau e to tatou faatere hau o Teari ALPHA o tei tupu i te 9 no titema ra i roto i te afata teata TNTV, te haapapu mai ra oia ua hoo mai te hau fenua i tera fenua to Garbutt ma i Atimaono. Te vahi te reira o tana e mana'o ra e hamani i te utuafare no teie mau taata e toe nei i Outumaoro . Te tiaturi nei vau e , e nehenehe tatou e tau'a parau ia hoi ana'e mai oia.
    Ua ineine e na te mau plan no tera lotissement ALOHA, e 87 lots. Ua ineine e na atoa te permis de construire.
    Mea maitai ia amui to tatou pua'ai no te tatara raa i te fifi o na utuafare e toru no Papara. Penei aa'e te vai atura te tahi mau utuafare e fifi ra i Papara.
    A faaitoito e tavana.Afaari mai i te tapa'o no te faatura e ia haamaitai mai te Atua.
        Edition abonnés
        Le vote

        Allez-vous voir Vaiana ?

        Loading ... Loading ...
        www.my-meteo.fr
        Météo Tahiti Papeete